تبلیغات
آذربایجان ادبیاتی - گرایلی لار
گرایلی لار | عمومی ,

چال دونیادان خوش گونو،

چالا بیلدیگین قدر

وئرجكسن ،  اونوتما ،

آلا بیلدیگین قدر،

دردین آلیم

چیچكلردن سنی سنی كؤنلوم

دیلر كئچر دردین آلیم

خیالین تئز- تئز یانیمدان

گولر كئچر دردین آلیم

 

داغ باشینی آلدی دومان

كؤرپه قوزو آناسیندان

آزیب آیریدوشسه بیر آن

ملر كئچر دردین آلیم

 

دئمه : دونیا بیر قفسدیر

ماهنیلارین قوروسس دیر

عشق ، سئودا بیر هوس دیر

گلر كئچر دردین آلیم

 

باهار چاغِ ، سحر ائركن

گؤی چمنده گزنده سن

بیلیرسنمی اورییمدن

نلر كئچر دردین آلیم

               عثمان ساری وللی

 

بیله بیلدیگین قدر

 

چال دونیادان خوش گونو،

چالا بیلدیگین قدر

وئرجكسن ،  اونوتما ،

آلا بیلدیگین قدر،

 

قوزوكیمی ملرسن ،

مین – مین آرزو دیلر سن ،

سن بوشالا بیلر سن ،

دولا بیلدیگین قدر،

 

ایدراك یولو قورخولو ،

گولوندن چوخدور كولو،

گئدجكسن بو یولو ،

گله بیلدیگین قدر،

 

نه یه كرك گیلئی لر ،

بوقابالار ، بوسعی لر ،

بیلدیكلرین بس ائلر ،

ائله بیلدیگین قدر،

 

بودونیانین مین دونو ،

مین رنگی ، مین اویونو ،

درك ائدرسن سن اونو ،

بیله  بیلدیگین قدر،

 

سئوینج داغینا چیخسان ،

سانما درد دن اوزاقسان ،

بیرگون آغلایاجاقسان ،

گوله بیلدیگین قدر،

             بختیار وهابزاده

 

یارگله، یار گله

اؤلممیشم گلیرسسیم

ائله یار گله، یار گله.

قوچ- قوزونو قوربان کسیم

بئله، یار گله- یار گله.

 

گتیره خوش خبر بیزه،

سس دوشه داغلارا، دوزه،

گول- چیچکدن اینجی دوزه-

تئله، یار گله- یار گله.

 

سسلییه وطنداشلارین،

وفالی یار- یولداشلارین.

مظلوملارین گوز یاشلارین-

سیله، یار گله- یار گله.

 

شنلیک دوتا بوتون ائللر،

نغمه دئیه شیرین دیللر.

باغلایا بیر گوموش کمر-

بئله، یار گله- یارگله.

 

یاشیللانا بوز تارلالار،

دورنا گله قاتار- قاتار.

سوزمیه دوشه سونالار-

گؤله، یار گله- یار گله.

 

بیرین دئدیم قالدی یوزو،

اورییمین ایچگین سؤزو.

قافلانتی نین غملی اوزو-

گوله، یار گله- یار گله.

                 م.قافلانتی

 

بیلن اولماییب هله

 

بوقاپیدان گئدن چوخ ،

گلن اولماییب هله ،

گئدنلر آغلار گئدیر،

گولن اولماییب هله ،

 

تاپیلان یوخ ایتن چوخ ،

قورتاران یوخ باتان چوخ ،

بو بازاردا ساتان چوخ ،

آلان اولماییب هله ،

 

سحرین یئلی اسیر ،

گون گئتمگه تلسیر ،

بو دونیا بیر باغلی سیر ،

بیلن اولماییب هله ،

 

گئچدیم غملر آداسین ،

گؤردوم شنلگین یاسین ،

توزلو کؤنلومون پاسین ،

سیلن اولماییب هله ،

 

آشیق چالیر جنگینی ،

کرمی ، شئشنگینی ،

کؤنلومون آهنگینی ،

چالان اولماییب هله ،

 

تیر تیکان باسیب چؤلو،

ایتیب حیاتین یولو ،

دیریدن چوخدور اؤلو ،

اولن اولماییب هله ،

سخاوت عزتی – عندلیب

 

 

         ظولوم

 

دردگلمه سینمی عئینیمه؟

قان سیزماسینمی بئینیمه؟

پالتار كیمی یاد اینینه ،

گئییلمكدن ظولوم نه وار؟

 

یازین دؤیسه ، قیشین دؤیسه ،

گؤزدن آخان یاشین دؤیسه ،

سنی اؤز قارداشین دؤیسه ،

دؤیولمكدن ظولوم نه وار،

 

ایشیق ساچا قلبین نورو ،

گؤز توخ اولا ، قلبین دورو ،

آج قارینا قورو ــ  قورو ،

« بی» اولماقدان ظولوم نه وار،

 

چاغیردیق، چاتمادی دادا ،

عؤمروم ــ گونوم گئتدی بادا ،

خئره ــ شره ،دوستا ــ  یادا ،

كئی اولماقدان ظولوم نه وار،

 

قوورولارسان اود آغزیندا ،

قالماز لذت داد آغزیندا ،

تیكه اولوب یاد آغزیندا ،

یئییلمكدن ظولوم نه وار،

       زلیمخان یعقوب


نوشته شده توسط سخاوت عزتی در سه شنبه 19 تیر 1386 و ساعت 10:07 ق.ظ
نوشته های پیشین
+ şəki iylə görüş+ سخاوت عزتی+ elşən əzim+ elşən əzim qifil şeri ائلشن عظیمین قیفیل شعری+ kəlbəcər balasi elməddin nicat+ کلبجربالاسی علم الدین نیجات kəlbəcər balasi elməddin nicat+ bir eşqin sonu+ səxavət ezzəti+ dil nədir+ elşən əzimin şeirləri ائلشن عظیمین شعرلری toplayan səxavət izzəti+ səxavat izzəti سخاوت عزتی+ səxavət izzəti qoşma سخاوت عزتی قوشما+ son görüş yazani səxavət ezzəti سون گؤروش یازانی سخاوت عزتی+ səməd vurğun صمد وورغون Azərbaycan+ səxavət izzəti şerlər سخاوت عزتی شعرلر

صفحات: