تبلیغات
آذربایجان ادبیاتی - elşən əzim qifil şeri ائلشن عظیمین قیفیل شعری
elşən əzim qifil şeri ائلشن عظیمین قیفیل شعری |

ائلشن عظیم قودرتلی گنج شاعیر و یازیچیلاریمیزدان بیریدیر او بو گون دوشمن الینده اسیر قالان ساز سؤز دییاری اولان کلبجردندیر او بو گون مینجه چئویرده یاشاییر موعلیم دیر چشیتلی قزئت و ژورناللارین رئداکسییا هئیتیدیر . 

   

  قیفیل 

      روستم کامالا 

   

  بیزیمله بیر دسته آچار گلیبدی، 

  محله نین آچاری، ائوین آچاری. 

  کئفیم قیفیللانیب اوزومده منیم، 

  قالیب ائویمیزده کئفین آچاری. 

 قیفیل 

   

  روستم کامالا 

   

  بیزیمله بیر دسته آچار گلیبدی، 

  محله نین آچاری، ائوین آچاری. 

  کئفیم قیفیللانیب اوزومده منیم، 

  قالیب ائویمیزده کئفین آچاری. 

   

  عینادیم اَییلیب،ووقاریم سینیب، 

  او دا قالاق-قالاق ایل آلتیندادی. 

  بیلیرم قاپیمیز او واختدان یانیب، 

  قیفیل بیر کالافا کول آلتیندادی. 

   

  او قیفیل دیل آچار گونون بیرینده، 

  سوکوتون الینده چورویور، ایتیر. 

  اونون تورپاق دولموش آچار یئرینده- 

  هر باهار بیر حسرت چیچگی بیتیر. 

   

  قاپیلار گؤرموشم او واختدان بری، 

  بو دردین ایشیغی ایچری دوشمور. 

  ایندی من نئینئییم؟ آیری قاپییا- 

  بیزیم قاپیمیزین آچاری دوشمور. 

   

  هایانا اوز توتدوم قیفیل گؤیردی، 

  اومید قیفیللیدیر، آرزو قیفیللی، 

  برکت قیفیللی، روزو قیفیللی. 

  یاخشی کی، اؤزگه لر آچار گؤندردی- 

  اون ایلدی  " بوز قورد " ون آغزی قیفیللی. 

   

  تتیگی قیفیللی سیلاحیمیزین، 

  تتیگی چکه سی الیم قیفیللی. 

  سوسورام باشیمی ساخلاماق اوچون، 

  آغزیم قیفیللیدی، دیلیم قیفیللی. 

   

  چاشدیمی ترک ائتدی اوبا یوردونو، 

  دردی کؤچ اوستونه آشیریب گلدیک. 

  بیزده اوره یه باخ، بابا یوردونو، 

  بیر پاسلی قیفیلا تاپشیریب گلدیک. 

   

  چایلار قایالاردان آسیلی قالدی، 

  بولاقلار آغلادی، کیریدی اوردا. 

  بو بویدا حسرتین، بو بویدا دردین، 

  آچاری بوردادی، کیلیدی اوردا. 

   

   

  واخت یئییندی، باخت آرخایین، 

  ها گؤزله، یوز ایله گلیر. 

  آرزولار قاییدیر، 

  سویو- 

  سوزوله-سوزوله گلیر. 

   

  ایلمه دی هانا اوستونده، 

  قووغادی یئنه اوستونده. 

  یاتیر دفینه اوستونده، 

  ایلان دا قیزیلا گلیر. 

   

  طالعیین ایشی دئییلمیش، 

  چرخین گردیشی دئییلمیش. 

  اجل ده کیشی دئییلمیش، 

  ساللانیب ناز ایله گلیر. 

  12.03.2014 


نوشته شده توسط سخاوت عزتی در شنبه 24 اسفند 1392 و ساعت 07:39 ق.ظ
نوشته های پیشین
+ şəki iylə görüş+ سخاوت عزتی+ elşən əzim+ elşən əzim qifil şeri ائلشن عظیمین قیفیل شعری+ kəlbəcər balasi elməddin nicat+ کلبجربالاسی علم الدین نیجات kəlbəcər balasi elməddin nicat+ bir eşqin sonu+ səxavət ezzəti+ dil nədir+ elşən əzimin şeirləri ائلشن عظیمین شعرلری toplayan səxavət izzəti+ səxavat izzəti سخاوت عزتی+ səxavət izzəti qoşma سخاوت عزتی قوشما+ son görüş yazani səxavət ezzəti سون گؤروش یازانی سخاوت عزتی+ səməd vurğun صمد وورغون Azərbaycan+ səxavət izzəti şerlər سخاوت عزتی شعرلر

صفحات: