تبلیغات
آذربایجان ادبیاتی - کلبجربالاسی علم الدین نیجات kəlbəcər balasi elməddin nicat
کلبجربالاسی علم الدین نیجات kəlbəcər balasi elməddin nicat |

بیر ساحیلیک، آیری تایدا دئییلم  

  او گونشده، منسه آیدا دئییلم. 

  من دونیانین چؤلو بویدا دئییلم، 

  دونیا منیم ایچیم بویدا گؤرونور. 


Bir sahilik, ayrı tayda deyiləm

O günəşdə, mənsə ayda deyiləm.

Mən dünyanın çölü boyda deyiləm,

Dünya mənim içim boyda görünür.

  علم الدین نیجات 

   

  (اسدوو علم الدین موراد اوغلو)  

   

  1 سئنتیابر 1982-جی ایلده کلبجر رایونون زیلیک کندینده دونیایا گؤز آچیب. اورتا مکتبین بئشینجی سینیفینه قدر دوغولدوغو کندده، قالان سینیفلری ایسه مجبوری کؤچکون منطقه لرینده اوخویوب. 1999-جو ایلده کلبجر رایون 100 سایلی اورتا مکتبی بیتیریب، همین ایلده گنجه دؤولت اونیوئرسیتئتی نین تاریخ فاکولته سینه داخیل اولوب. 2004-جو ایلدن کلبجر رایون 74 سایلی عومومی اورتا مکتبده موعلیم ایشله ییر. عاییله لیدیر، ایکی اؤولادی وار. 

      ادبی یارادیجیلیقلا اورتا مکتب ایللریندن مشغول اولموشدور. شعرلری آلماناخلاردا و دؤورو مطبوعاتدا درج اولونور.بیر کیتابی  " داغلار یوخونوز چین اولسون "  آدلی چاپ اولونوب 

 

دونیا ایچیم بویدا  

                

  اؤتن ایللر بیر قرنفیل حیاتی، 

  خاللی لاله - اوخونمامیش بایاتی. 

  گونو-گوندن شاخه لنیب بوی آتیر، 

  دونیا منیم ایچیم بویدا گؤرونور. 

   

  آرزوم دؤنوب یئل آپارمیش الچیمه، 

  اوزاغا یوخ، بویلانیرام ایچیمه. 

  اولگوسو وار، اویغون گلمیر اؤلچومه، 

  دونیا منیم ایچیم بویدا گؤرونور. 

    

  بیر ساحیلیک، آیری تایدا دئییلم  

  او گونشده، منسه آیدا دئییلم. 

  من دونیانین چؤلو بویدا دئییلم، 

  دونیا منیم ایچیم بویدا گؤرونور. 

    

  دونیا توتماز دئ کیمده کی آرزونو؟ 

  بویونداکی، بیچیمده کی  آرزونو. 

  آنجاق توتور ایچیمده کی  آرزونو، 

  دونیا منیم ایچیم بویدا گؤرونور

  جیناس گرایلی 

   

  توشلاندیمی گؤزون گؤزه، 

  یارا ووردون گؤزون گؤزه. 

  اوخو دَیسه گؤزون گؤزه 

  عشقی ترک ائلمک اولمور. 

   

  سئوگی نوردو داش اوداما، 

  آتسان چاتماز داش او داما. 

  قلبی، روحو داش آداما 

  نسه حک ائلمک اولمور. 

   

  دوم قاراسان، دوم ساری سان، 

  کؤکلَنَرَم سیم ساریسان. 

  اورک، تانری سیمساریسان، 

  سنه شکک ائلمک اولمور. 

 

اولان یئرده 

   

       آرزولارین بویاتیسان، 

        " بولبول بویدا بایاتیسان " . 

       بؤیویورسن، بوی آتیرسان 

       شیرین داستان اولان یئرده. 

   

       یاد سئیرانگاه، قریب سئییر، 

       سه ییر آتیم، قریب سییر. 

       آدام ائله قریبسه ییر 

       ائلدن، دوستدان اولان یئرده. 

   

       سؤز کؤک آتیب نسیلله نیر، 

       دیل کؤکله نیر، دیل سیم لنیر. 

       آدام بند-بند طیلسیم لنیر 

       مممد آسلان اولان یئرده. 

 

 


نوشته شده توسط سخاوت عزتی در سه شنبه 29 بهمن 1392 و ساعت 10:50 ق.ظ
نوشته های پیشین
+ şəki iylə görüş+ سخاوت عزتی+ elşən əzim+ elşən əzim qifil şeri ائلشن عظیمین قیفیل شعری+ kəlbəcər balasi elməddin nicat+ کلبجربالاسی علم الدین نیجات kəlbəcər balasi elməddin nicat+ bir eşqin sonu+ səxavət ezzəti+ dil nədir+ elşən əzimin şeirləri ائلشن عظیمین شعرلری toplayan səxavət izzəti+ səxavat izzəti سخاوت عزتی+ səxavət izzəti qoşma سخاوت عزتی قوشما+ son görüş yazani səxavət ezzəti سون گؤروش یازانی سخاوت عزتی+ səməd vurğun صمد وورغون Azərbaycan+ səxavət izzəti şerlər سخاوت عزتی شعرلر

صفحات: