تبلیغات
آذربایجان ادبیاتی - آشیقلاریمیزدان
آشیقلاریمیزدان | عمومی ,

ایتیردییم اوشاقلیغی ، گنجلیغی ،

تاپان اولا تئز یادیما دوشوبدو ،

ائله حزین ، حزین بیر لایلا سسی ،

باش قویدوغوم دیز یادیما دوشوبدو ،

گؤوهرین گئچمه ین یئرده
ساتما قارداش٬ كرم ائیله!
لعل داشینى٬ چاى داشینا
قاتما قارداش٬ كرم ائیله!


گؤردون بیر یئرده آشینا
هر نه دئرسن٬ اؤز باشینا
یول داشینى٬ یول قوشونا
آتما قارداش٬ كرم ائیله!


ختاییم چاغیریر اره
دونیا بئله گلمشی زیرا
عاریف اوخون عبث یئره
آتما قارداش٬ كرم ائیله!

   شاه اسماعیل خطایی

      

اورییمده

 بئی موروتین، بئی اینصافین بالاسی،

 من سنی سئومیشم ساغ اورییمده.

قییا باخدین،اورتالیغا قان تؤکدون،

 قارا نؤقطه قویدون، آغ اورییمده.    

 

    محببت بیر دریا، گئچه بیلمیرم،

 آیریلیق شعربتین ایچبیلمیرم،

 سیرر سؤزوم یادلارا آچابیلمیرم،

 گئدر قییامته داغ اورییمده.    

 

    قوربانی چیخماییب قم لیباسینان،

گؤز دویماز گؤزلرین تمنناسمنان،

 جهننم خوفیننن،عشق هاواسینان،

 اریدی، قالمادی یاغ اورییمده.    

   دیر سنه  

    ساللانا ساللانا گئدن سالاتین،

گئل بئله ساللانما، گؤز دییر سنه.

آل، یاشیل گئیینیب قارشیدا دورما،

 یایین بد نظردن، سؤز دییر سنه.  

 

  گئتمه، گئتمه گؤروم، کیمین یاریسان،

 هانسی بختورین وفاداریسان،

 کؤلگده بسلنمیش قوزئی قاریسان،

 سحرین یئللری تئز دییر سنه.  

 

  قوربانی دئیر، هئچکس یارین، اؤیمسین،

 دویمله یاخانین چارپاز دویمسین،

 دسته له زولفلرین، یئره دیمسین،

 یوللار قوبارلانار، توز دییر سنه.  

         دیریلی دده قوربانی

  ائیله سین  

  دومان، گل گئت بو داغلاردان،

 داغلار تازا، بار ائیله سین.

 نه گؤزلریم سنی گؤرسون،

 نه کؤنلوم قوبار ائیله سین.  

 

  حاشا سئودیجییم حاشا،

 دئییلنلر گلدی باشا،

 بیر یاندان اؤزون توت داشا،

 بیر یاندان ائل جار ائیله سین

  

  عابباس آغلار زاری زاری،

 گئتمز کؤنلومون قوباری،

 ایلقاریندان دؤنن یاری،

 تانری تئز بازار ائیله سین.  

 

 

واختیدیر  

  بودور گلدی باهار فصلی

داغلارین لالا واختیدیر.

 آچیلیبدیر قیزیل گوللر

بولبولون بالا واختیدیر.  

 

  بولبوللر دولانیر باغی

بیر خلوت ائیله اوتاغی

 سانا قوربان اولوم ساقی.

مئی وئر پییالا واختیدیر.  

 

  من عابباسام، بویو بسته

 دردیندن اولموشام خسته

آل باشیمی دیزین اوسته

 چال یاتاق، لایلا واختیدیر.  

توفارقانلی دده عابباس

 

یاخشیدیر  

  دلی گؤنلوم مندن سانا آمانات

 دئمه بو دونیادا قالیم یاخشیدیر.

 بیر گون اولار قوهوم، قارداش یاد اولار

دئمه اولوسوم وار، ائلیم یاخشیدیر.  

 

  بیر مجلیسه وارسان، اؤزونو اؤیمه

 شئیطانا باج وئریپ کیمسه نی سؤیمه

 قووتلی اولسان دا یوخسولو دؤیمه

 دئمه کی، زورلویام، قولوم یاخشیدیر.  

 

  قوچاقدان اولوپسان، قوچاق اولگیلان

قادادان، بلادان قاچاخ اولگیلان

عاشیق اول، جؤمرد اول، آلچاخ اولگیلان

 دئمه واریم چوخدور، پولوم یاخشیدیر.  

 

  خسته قاسیم کیمه قیلسین دادینی

 جانی چیخسین، اؤزو چکسین اودونو

یاخشی ایگیت یامان ائتمز آدینی

 چونکو یامان آددان اؤلوم یاخشیدیر.  

تیكمه داشلی دده قاسیم

 

گؤرمدیم  

  بی وفانین موخننثی ، ناکسین،

دوغرو سؤزون، دوز ایلقارین گؤرمدیم،

 نامردین دونیادا چوخ چکدیم بحثین،

 ناموسون، غئیرتین، عارین گؤرمدیم.  

 

  نامردی اؤزومه من دوست ائیلدیم،

 یولوندا جانیما چوخ قصد ائیلدیم،

 سؤیوددن باغ سالدیم، پئیوست ائیلدیم،

 آلماسین، هئیواسین، نارین گؤرمدیم.  

 

  نفس آلداتدی، هر یئتنه خان دئدیم،

بیهودا کوللارا گولوستان دئدیم،

عبث یئره بئی وفایا جان دئدیم،

 زحمتین چوخ چکدیم، کارین گؤرمدیم.  

 

  علسگر، علمینده اولما نابلدی،

دوغرو سؤیله سؤزون چیخماسین غلط،

 شاهیدده اینصاف یوخ، بیده، عدالت،

 قاضیلارین دوز بازارین گؤرمدیم.  

 

ساری کوینئک  

  جیلوه لنیب نه قارشیمدا دوروبسان،

 آنام سنه قوربان، آی ساری کؤینک.

 ملکسن، چیخیبسان جننت باغیندان،

 هئچ کیم اولماز سنه تای، ساری کؤینک.  

 

 

  دویماق اولمور عشوه سیندن، نازیندان،

 فره ککلیک کیمی خوش آوازیندان،

 یئل ووردو، اوربندی آتدی اوزوندن،

 ائله بیلدیم دوغدو آی، سان کؤینک.

 

  گؤزلسن، تئریفین دوشوب ماحالا،

 زر کمر یاراشیر قامت او دالا،

لب قؤنچه، دیش اینجی، یاناغین لالا،

 چکیلیب قاشلارین یای، ساری کؤینک.  

 

 

  گردنه یاراشیر قیزیل هاماییل،

 گؤرنین عاغلینی ائیلییر زاییل،

 حسرتین چنکرلر اولوبدور ساییل،

 ییغیر قاپیلاردان پای، ساری کؤینک.  

 

  طوطی دیللی، سرو بویلو سالاتین،

 یوخدو مرهمتی بو سلطنتین،

 گؤندر گلسین علسگرین خلعتین،

 ائیلمه امیین زای، ساری کؤینک.  

         گؤیچه لی دده علسگر

 

دوشوبدور

ایتیردییم اوشاقلیغی ، گنجلیغی ،

تاپان اولا تئز یادیما دوشوبدو ،

ائله حزین ، حزین بیر لایلا سسی ،

باش قویدوغوم دیز یادیما دوشوبدو ،

 

تای توشلاریم چاغیراردی قاشا چیخ ،

گدیکلردن چن چکیلیب قاش آچیق ،

شئهلی اوتدا آیاق یالین باش آچیق ،

سالدیغیمیز ایز یادیما دوشوبدو ،

 

قوزو اوتاردیغیم ، داغلار آشدیغیم ،

داها آلاچیقدان اوزاقلاشدیغیم ،

دوماندا ، چیسکینده یولو چاشدیغیم ،

دره ،تپه ، دوز یادیما دوشوبدو ،

 

نَنَم منی اویاداردی هر صاباح ،

ائیلییردیم رومو ، کوسو ، قاش قاباق ،

بابان یاتیب سس سالماینان آی اوشاق

آنام دئین سؤز یادیما یادیما دوشوبدو ،

 

قولتوغومدا یاغلی فتیر بیر کته ،

باخ او یورتدا گیزلنردیم خلوته ،

آشیق موراد آیریلیغا ، حسرته ،

ایگیدسنسه دؤز یادیما دوشوبدو ،     

آشیق موراد نییازلی

 

    بو خلقین

نوشته شده توسط سخاوت عزتی در یکشنبه 4 شهریور 1386 و ساعت 02:08 ق.ظ
نوشته های پیشین
+ şəki iylə görüş+ سخاوت عزتی+ elşən əzim+ elşən əzim qifil şeri ائلشن عظیمین قیفیل شعری+ kəlbəcər balasi elməddin nicat+ کلبجربالاسی علم الدین نیجات kəlbəcər balasi elməddin nicat+ bir eşqin sonu+ səxavət ezzəti+ dil nədir+ elşən əzimin şeirləri ائلشن عظیمین شعرلری toplayan səxavət izzəti+ səxavat izzəti سخاوت عزتی+ səxavət izzəti qoşma سخاوت عزتی قوشما+ son görüş yazani səxavət ezzəti سون گؤروش یازانی سخاوت عزتی+ səməd vurğun صمد وورغون Azərbaycan+ səxavət izzəti şerlər سخاوت عزتی شعرلر

صفحات: