تبلیغات
آذربایجان ادبیاتی - دده کرمین شعرلری
دده کرمین شعرلری | عمومی ,

بیر چیخایدیم ائیوانینا، کؤشکونه ، 

  بیر باتایدیم عنبرینه، موشکونه، 

  آدی بللی اصلی خانیم عشقینه، 

  اؤلدوررلر، دورنا، تؤکسن تئللری. 

 

           دوشدو

  آلا گؤزلو، قلم قاشلی، 

  منیم سونام گؤلدن اوشدو، 

  منی قویدو اینتیظاردا، 

  واریب، غئیری گؤله دوشدو. 

 

 بیزیم ائللر گول باغیدی، 

  کؤنول عشقین بولاغیدی؛ 

  یئل اسر، زولفون داغیدی، 

  ایندی فورصت بئله دوشدو.

   

  هر زامان چکرم یاسی، 

  سیلینمز کؤنلومون پاسی؛ 

  سریمین گئتمز سئوداسی، 

  آلتون کمر بئله دوشدو. 

 

هانی سئودیجگیم، هانی؟ 

  یولوندا قویموشام جانی، 

  کرم سئودی اصلی خانی، 

  او دا قوربت ائله دوشدو. 

 

                 گئدر اولدوم

 

گئدر اولدوم، یار- یولداشیم ساغ اولسون، 

  بول اولسون چؤریی، آشی دونیانین! 

  بوندان سونرا دردلرینیز دورولسون، 

  سورملنسین گؤزو، قاشی دونیانین! 

 

  ارنلر قویدوغو یوللاری سئچدیم، 

  دولدوروبان، عشقین بادسین ایچدیم، 

  بیر بئله سئوداچین سریمنن کئچدیم، 

  لعل، گؤوهر اولسون داشی دونیانین! 

 

باغلا بوستان اولسون چؤللر، صحرالار، 

  بال ایله یاغ اولسون یئددی دریالار، 

  مئیوه وئرسین بوتون داغلار، اووالار، 

  ایسترم یاز اولسون قیشی دونیانین! 

 

دردلی کرم دئیر؛ دونیا فانی دی، 

  نئچه لرین ائلر آبدال، یورودو. 

  کیمسه بیلمز نه زاماندان بریدی، 

  هئچ حسابا گلمز یاشی دونیانین! 

   

                 سیزین اولسون

 

 مندن کوسن نازلی، نازلی باجیلار، 

  من کناردان کئچیم، یول سیزین اولسون! 

  اورییمده چوخدو غملر، آجیلار، 

  آغولار منیمکی، بال سیزین اولسون! 

 

من یولچویام، یوللار کئچیب گئدیرم، 

  عشقین قاتارینی چکیب گئدیرم، 

  یانیقلییام، سو وار، ایچیب گئدیرم، 

  بیر جام وئرین ایچیم، دول سیزین اولسون! 

 

سینم دویونلودو، جییریم قارا، 

  اصلی سیز قالمیشام غمگین، آوارا، 

  باش گؤتوروب گئتدیم چؤله، دییارا، 

  ویرانه لر منیم، ائل سیزین اولسون! 

 

مئی ایچیب مست اولماق یاراشماز بیزه، 

  یاری گرک تاپام من گزه - گزه، 

  بیر غونچا گولوم وار، تزه، تر-تزه، 

  یئنگیده آچیلان گول سیزین اولسون! 

 

 دردلی کرم دئیر: گؤزلیم اصلی، 

  گؤزلریم یاشلیدی، اورییم پاسلی؛ 

  اوندان آیریلالی یاسلییام، یاسلی، 

  من قارا گئیینیم، آل سیزین اولسون! 

   

                        دورنام

 

دورنام، گئدر اولسان بیزیم ائللره، 

  یاخشی سؤیله باشدان کئچن حاللاری. 

  قوهوم- قارداش، دوست، موصاحیب اولانلار 

  بوندان سونرا گؤزلمه سین یوللاری. 

 

 بیر چیخایدیم ائیوانینا، کؤشکونه ، 

  بیر باتایدیم عنبرینه، موشکونه، 

  آدی بللی اصلی خانیم عشقینه، 

  اؤلدوررلر، دورنا، تؤکسن تئللری. 

 

کرم دئیر، هئچ کس یارین اؤیمسین، 

  ال اوزادیب آچام یاخا دویمسین، 

  هئچ ایگیدین اوخو داشا دیمسین، 

  یاد اولماسین منیم کیمی ائللری. 

  

                گول آغلار

 

فلک منی باغا باغمان ائیلدی، 

باغمان آغلار، باغچا آغلار، گول آغلار. 

  دوست باغینا آخماز اولدو سولاریم، 

  سوسن آغلار، سونبول آغلار، سئل آغلار. 

 

  یاری تاپام، خینا یاخام الینه، 

  آلیب گئدم وطنینه، ائلینه، 

  نه اولار کی، ساریلایدیم بئلینه، 

  کمر آغلار، قایتان آغلار، بئل آغلار. 

 

ترک ائیلدیم وطنیمی، ائلیمی، 

  الیمدن آلدیلار قونچا گولومو، 

  اونونچون قوربته سالدیم یولومو، 

  اوبا آغلار، وطن آغلار، ائل آغلار. 

 

اؤردک کیمی اوچدوم گؤلدن-گؤللره، 

  جئیران کیمی قاچدیم چؤلدن-چؤللره، 

  کرم دئیر: دوشدوم بدنام دیللره، 

  گلن آغلار، گئدن آغلار، یول آغلار. 

   

  سئیر ائلدیم گورجوستانین ائلینی، 

  ائللری وار-بیزیم ائله بنزمز. 

  بارلی باغچالاری، قارلی داغلاری، 

  گوللری وار-بیزیم گوله بنزمز. 

 

 عالیملری یازی یازار، معنادی، 

  گوللری وار-مین دردلره داعوادی، 

  گؤزللری، محبوبلاری اعلادی، 

  ماللاری وار-بیزیم مالا بنزمز. 

 

باشلارینا کئجه پاپاق قویاللار، 

چاغیراندا «مودی، مودی» دئیللر، 

گلین، قیزلار آل-یاشیلی گئیللر، 

دیللری وار-بیزیم دیلله بنزمز. 

 

جوشقون-جوشقون چایلارینی کئچمیشم، 

  سرین-سرین سولارینی ایچمیشم، 

  کرم دئیر: دیلبرلرین سئچمیشم، 

  حاللاری وار-بیزیم حالا بنزمز. 

 

                 اصلی

 

ساللانا – ساللانا چیخدی قارشیما ، 

  بویو سرو، یاناقلاری آل اصلی! 

  حوریده، ملکده تایی تاپیلماز، 

  دیلی شکر، دوداقلاری بال اصلی! 

 

مسمنی چگیبدی قلم قاشینا، 

  آغ ایپک چالمانی سالیب باشینا. 

  سینه بنزر آهو، جئیران دؤشونه، 

  آچ قوللارین، گل بوینوما سال، اصلی! 

 

كرم دئیر، یوز ایل سنه قول اولوم، 

  ایذن وئر قاپیندا رنجبر دوروم، 

  قیسمت اولسون سندن مورادیم آلیم، 

  سن ده مننن مورادینی آل، اصلی! 

   

  آمان فلک، کؤمک ائیله بو گونده، 

  ناگاه یئرده گلدی آلدی درد منی! 

  گئجه-گوندوز اودا یاندیم، آلیشدیم، 

  توتدو، یولوم-یولوم یولدو درد منی! 

 

قوربت ائلده اوجا داغلار آشالی، 

  آه ائتدیکجه قارا باغریم دئشلی، 

  من اصلیمدن آیری دوشدوم، دوشلی، 

  دلیک-دلیک ائتدی، دلدی درد منی. 

 

 فلک منیم ایله عیناد ائیلدی 

  قم ایله هیجراندی تؤهفن، سؤیلدی، 

  کسکین قیلیجییلا باغریم تئیلدی، 

  بؤلوک-بؤلوک ائتدی، بؤلدو درد منی. 

 

 گئجه - گوندوز کسمز گؤزومون یاشی، 

  سالدی قانلی فلک باشیما داشی، 

  عرضروم داغیندا کئچیردیم قیشی، 

  آخیر چؤلدن چؤله سالدی درد منی. 

 

بیلمم خییالیمدی، یوخسا دوش کیمی، 

  گلدی کئچدی بوران کیمی، قیش کیمی، 

  دردلی کرم یوواسیندا قوش کیمی، 

   توتدو، یولوم-یولوم یولدو درد منی. 

   

  قوربت ائلد قریب-قریب آغلارام، 

  موشکول حالیم بیلدیرن یوخ، بیلن یوخ! 

  گئجه-گوندوز فغان قیلیب یانارام، 

  آغلادان یوخ، گولدورن یوخ، گولن یوخ! 

 

ترک ائلدیم من آتامی، آنامی، 

  گؤلومدن اوچوردوم تئللی سونامی، 

  خنجر آلیب درد اویلاغی سینمی، 

  تئیلین یوخ، دلدیرن یوخ، دلن یوخ! 

 

دردلی سینم دویونلرم، داغلارام، 

آغ گئیمرم، قارالاری باغلارام، 

 درد لیندن آه چکرم، آغلارام، 

  گؤزوم یاشین سیلدیرن یوخ، سیلن یوخ! 

 

کرمم، یئتمدیم من اصلی خانا، 

  شان بیلدیم اؤلومو بو یازیق سانا، 

  گئجه گوندوز قفله ایشلر هر یانا، 

  اوز چئویریب بو ویرانا گلن یوخ! 

          

            دویمله

 

  ساللانیبان گلن دیلبر، 

  یاخان دویمله - دویمله!.. 

  منی درده سالان دیلبر، 

  یاخان دویمله - دویمله!.. 

  : 

  آل گئییب، یاشیل بورونر، 

  زولفلǝری یانا هؤرونر، 

  یئل وورار، ممن گؤرونر، 

  یاخان دویمله - دویمله!.. 

 

 یاخان چارپاز ایلیشمسین، 

  هئچ کیم دینیب دانیشماسین، 

|+| نظرات ()

نوشته شده توسط سخاوت عزتی در چهارشنبه 17 مرداد 1386 و ساعت 02:08 ق.ظ
نوشته های پیشین
+ şəki iylə görüş+ سخاوت عزتی+ elşən əzim+ elşən əzim qifil şeri ائلشن عظیمین قیفیل شعری+ kəlbəcər balasi elməddin nicat+ کلبجربالاسی علم الدین نیجات kəlbəcər balasi elməddin nicat+ bir eşqin sonu+ səxavət ezzəti+ dil nədir+ elşən əzimin şeirləri ائلشن عظیمین شعرلری toplayan səxavət izzəti+ səxavat izzəti سخاوت عزتی+ səxavət izzəti qoşma سخاوت عزتی قوشما+ son görüş yazani səxavət ezzəti سون گؤروش یازانی سخاوت عزتی+ səməd vurğun صمد وورغون Azərbaycan+ səxavət izzəti şerlər سخاوت عزتی شعرلر

صفحات: