تبلیغات
آذربایجان ادبیاتی - رامیز روشن
رامیز روشن | عمومی ,

بو گوزگویه بیر واخت قوشا باخاردیق

بو گوزگویه بیر واخت قوشا باخاردیق

بو گوزگوده یئرین ایندی بوش قالیب ،

بلكه سندن بو گوزگونون جانیندا ،

دوداق قالیب ، كیرپیك قالیب ، قاش قالیب ،

 

رامیز روشن

بو گوزگویه بیر واخت قوشا باخاردیق

 

بو گوزگویه بیر واخت قوشا باخاردیق

بو گوزگوده یئرین ایندی بوش قالیب ،

بلكه سندن بو گوزگونون جانیندا ،

دوداق قالیب ، كیرپیك قالیب ، قاش قالیب ،

 

گؤز یاشلارین جانیندادی بلكه ده ،

داملا ،داملا ارییجك بو گوزگو ،

بیر گون سنین آیاغینلا دونیا دا ،

آیاغ آچیب یئرییجك بو گوزگو ،

 

بلكه ، سنی آختاراجاق ، گزَجك ،

میلیون ، میلیون آداملارین ایچینده ،

گؤرن كیمی تانییاجاق اوزونو ،

ان قارانلیق آخشاملارین ایچینده ،

 

قاچاجاقسان بو گوزگونون الیندن ،

دؤنَجكسن او دؤنگَیه ،بو تینه ،

آداملاری ، ماشینلاری ، ائولری ،

آتاجاقسان بو گوزگونون چنگینه ،

 

یئنه ، یئنه دویمایاجاق بو گوزگو ،

بیر شهری اودوب ، اودوب گلَجك ،

سنی گؤزدن قویمایاجاق بو گوزگو ،

یئری – گؤیو توتوب ، توتوب گلَجك ،

 

سن قاچدیقجا یئللَنجك ساچلارین ،

بو گوزگویه پای دوشَجك ساچیندان ،

ایپك دونون یئللَندیكجه گوزگویه ،

پای دوشَجَك اتَیینین اوجوندان،

 

قاچیب – قاچب اؤزونون یوراجاقسان ،

قفیل بیر دن گؤرَجكسن او داشی ،

بو گوزگونو داش آتیب قیراجاقسان ،

بو گوزگو دن داغیلاجاق گؤز یاشین ،

 

هر تیكه سی قایق تكی اوزََجك ،

دؤرد طرفی گؤز یاشینلا دولونجا ،

بو گوزگونون بلكه هر تیكه سیندن ،

دوداقلارین چیغیراجاق دالینجا ،

 

... بو دا بئله بیر ناغیل دی یالاندی ،

سن كی یوخسان ، گئتدیین او گئدندی ،

بو گؤزگو ده یئرینده دی ، یئرینده ،

بو گوزگو ده یئنه ساغ دی ، بوتؤودو ،

 

سینان گوزگو آخی بیر ده جالانماز ،

بلكه تانری اؤزو گؤروب بو ایشی ؟!

بو گوزگونون هر تیكه سی ، بلكه ده ،

داملا – داملا گؤز یاشینلا بیتیشیب ،

 

بلكه سندن بو گوزگونون جانیندا ،

دوداق قالیب ، كیرپیك قالیب ، قاش قالیب ،

گؤز یاشلارین جانیندادی هله ده ،

گؤز یاشلارین قورومایب ، یاش قالیب ،

 

بو گوزگودن گلیب كئچیر خانیملار ،

اؤزلرینه باخیب – باخیب كئچیرلر ،

دوداغیندان دوداقلاری رنگ آلیب ،

كیپریییندن كیپریك تاخیب كئچیرلر ،

گؤز یاشینلا دولور ، دولور گؤزلری ،

 

باخیر یئره ، باخیر گؤیه ، آغلایر ،

بو نه درددی –هئچ بیلمیرلر اؤزلری ،

هئچ بیری سی بیلمیر نییه آغلایر ،

 

  گؤی اوزو داش ساخلاماز  

 

 دوروب گؤی اوزونه داش آتان اوغلان  

  گؤی اوزو داش ساخلاماز.  

  اوغول بئله باش ساخلاماز، آتام بالاسی،  

  کیم قیرخیب باشینی،  

  سالیب بو کؤکه؟  

  شلوارین، پئنجه یین اؤزوندن یئکه،  

  باخیرسان، گؤی اوزو گؤزوندن یئکه، -  

  دوروب گؤی اوزونه داش آتان اوغلان.  

  هله کی، باشینا-گؤزونه قییماز،  

  آتدیغین داشلاری ساخلاری گؤی اوزو.  

  آتدیغین داشلاری توتوب ائلینده،  

  سنی ایللر بویو یوخلار گؤی اوزو.  

  قیرخیق باشین توكلَنینجه،  

  او دومدورو گوزلرین  

  بولانینجا، چیرکلنینجه،  

  آتدیغین داشلاری ساخلار گؤی اوزو.  

  یئدیییندن یئیرسن،  

  گئیدیییندن گئیرسن،  

  بؤیویرسن، بؤیویرسن، آتام بالاسی،  

  گؤزلرین بؤیویر سن بؤیودوکجه،  

  گؤزونده یاش بؤیویر.  

  اللرین بؤیویر سن بؤیودوکجه،  

  گؤی اوزونده ، 

  آلدیغین داش بؤیویر.  

  باخت گولسه اوزونه بو یئر اوزونده،  

  اؤلومون لنگییب گئجیکه بیلسه.  

 او داشدان اؤزونه بو یئر اوزونده  

 حاصار چکه بیلسن،  

  ائو تیکه بیلسن،  

  بیر گؤی قورشاغیتک عؤمرون اوزانسا،  

  باختینا هر جوره رنگدن دوشجک.  

  بیر گون بو دونیادا قبرین قازیلسا،  

  بئلکه ده، باشداشین گؤیدن دوشجک.  

  ... دوروب گؤی اوزونه داش آتان اوغلان،  

  گؤی اوزو داش ساخلاماز...

 

  نه حیرصله اوخویور بو قوش 

 

  نه حیرصله اوخویور بو قوش، 

  ماهنی دئییل، قارغیشدی بو. 

  ائله بیل هورور آداما، 

  یاری ایت، یاری قوشدو بو. 

 

  یوخدو قوشلار آراسیندا 

  دیلینی بیلن بو قوشون. 

  ایتلر سس وئریر سسینه 

  بایاقدان هورن بو قوشون. 

 

 نه چوخدو حیرصی-هیککه سی، 

  جانینداکی قورد کینیدی. 

  یازیق هورمه سین، نئیله سین، 

  بلکه گونو ایت گونودو. 

 

...قوش اولوب هور، ایت اولوب اوچ، 

  کیمدی گؤرن بو اؤلکه ده؟! 

  ایتی قاب دیبی یالایان، 

  قوشو هورن بو اؤلکه ده… 

   

سولارا باخدیم اییلدیم

 

اییلدیم سولارا باخدیم ،

آختاردیم جاوان اوزومو ،

سولار آخدی ، سولار آخدی ،

آپاردی جاوان اوزومو ،

 

قاچدیم داش – قایا بیلمدیم ،

قاچدیم هاخلایا بیلمدیم ،

توتوب ساخلایا بیلمدیم ،

سولاردا آخان اوزومو،

 

... اوز – گؤزوم قیریشدی ، آنام ،

بو نه توردو ، دوشدوم آنام ،

اؤلنَجن قورتارمارام ،

داها بو توردان اوزومو ،

 

آیریلیق

 

یئنه بو شهرده اوز – اوزه كلدیك ،

نئیلیك ، آیرجا شهریمیز یوخ ،

بلكه ده ، بیز خوشبخت اولا بیلر دیك ،

بلكه ده خوشبختیك ،

خبریمیز یوخ ،

 

آرادان نه قدر ایل كئچیب گؤرن __

تانییا بیلمدیم ، منی باغیشلا،

من ائله بیلیردیم ، سنسیز اؤلرم ،

من سنسیز اؤلمدیم ، منی باغیشلا !

 

« اؤلمدیم » دئیرم ، نه بیلیم آخی ،

یلكه ده من سنسیز اؤلموشم ائله ،

قبیر سیز- كفن سیز

اؤلموشم ائله ،

بلكه ده بیز اوندا آیریلماسایدیق ،

نه من ایندیكییدیم ،

نه سن ایندیكی ،__

آیریلدیق ، شئیطانی گولدوردوك اوندا :

بو ایلین ،

بو آیین ،

بو گونونده كی ،

ائله بو كوچه نین بو تینین ده كی ،

منی ده ، سنی ده اؤلدوردوك اوندا ،

 

... ساغیمیز – سولوموز آداملا دولو ،

قول – قولا كیشیلر قادینلار كئچیر ،

اؤزوندن خبر سیز عؤمرونده مین یول ،

اؤزونو اؤلدورن آداملار كئچیر ،

كئچیر اؤز قانینا باتان آداملار ،

بیرده كی ، قان هانی ؟

قان آخی یوخدور...

هامی گوناهكاردی دونیادا ،

آمما

دونیادا هئچ كسین گوناهی یوخدو:

 

بیزسیز یازیلمیشدیر بو طالع ، بو باخت ،

ساپانددان آتیلان بیر جوت داشیق بیز ،

بلكه بو دونیادا اون – اون بئش ایل یوخ ،

مین ایل بوندان قاباق آیریلمیشیق بیز ،

 

حالال یولوموزو دیشیب ، نسه

چاشمیشیق بیر اؤزگه یولدان گئتمیشیك ،

بلكه مین ایل قاباق سهو دوشوب نسه ،

مین ایللیك بیر سهوه قوربان گئتمیشیك ،

 

دیشیب یئرینی بلكه قیش ، باهار ،

قاریشیب دونیانین شهری كندی ،

بلكه اؤز بطنینده اؤگئی آنالار ،

اؤگئی بالالاری گزدیریر ایندی ،

 

عؤمروم باشدان – باشا یالاندی ،

طا لئیم باشقایمیش دوغرودان ائله ،

او یولدان اؤتن قیز آنامدی بلكه ،

بلكه ده اوغلومدو بو اوغلان بلكه ،

بو یالان عؤمرومده گؤرن سن نه سن ؟

بلكه هئچ سئوگیلیم دئییلسن منیم ،

آنامسان ، باجیمسان ، نَِِنمسَن ، نسن ؟

بیرجه آلله بیلیر نَییمسن منیم ،

 

بیزی كیم آددادار بو آیریلیقدان ،

چاتماز دادیمیزا نه یول نه كؤرپو ،

نوشته شده توسط سخاوت عزتی در جمعه 5 مرداد 1386 و ساعت 01:07 ب.ظ
نوشته های پیشین
+ elşən əzim+ elşən əzim qifil şeri ائلشن عظیمین قیفیل شعری+ kəlbəcər balasi elməddin nicat+ کلبجربالاسی علم الدین نیجات kəlbəcər balasi elməddin nicat+ bir eşqin sonu+ səxavət ezzəti+ dil nədir+ elşən əzimin şeirləri ائلشن عظیمین شعرلری toplayan səxavət izzəti+ səxavat izzəti سخاوت عزتی+ səxavət izzəti qoşma سخاوت عزتی قوشما+ son görüş yazani səxavət ezzəti سون گؤروش یازانی سخاوت عزتی+ səməd vurğun صمد وورغون Azərbaycan+ səxavət izzəti şerlər سخاوت عزتی شعرلر+ قاراجا اوغلان افسانه سی + باشین ساغ اولسون قارداش

صفحات: